عمران خان پر حملے اور ارشد شریف کے قتل پر جوڈیشل کمیشن بنانے سے متعلق وزیراعظم کے خطوط پر چیف جسٹس کی ساتھی ججز کے ساتھ مشاورت حتمی مراحل میں داخل ہوگئی ہے۔
ذرائع کے مطابق چیف جسٹس نے اسلام آباد میں موجود تمام ججز سے مشاورت کا عمل مکمل کر لیا ہے، وزیراعظم کو خطوط کا جواب دو سے تین دن میں دیا جائے گا۔
ذرائع کے مطابق چیف جسٹس کی جسٹس فائز عیسیٰ اور جسٹس عائشہ ملک کے ساتھ مشاورت ہوگی، جسٹس فائز عیسیٰ اسلام آباد سے اور جسٹس عائشہ ملک پاکستان سے باہر ہیں، دونوں ججز اتوار کو واپس پہنچ کر پیر سے مقدمات کی سماعت کریں گے۔
نئے تعینات ہونے والے ججز سے بھی پیر کو ہی مشاورت کا امکان ہے، مشاورت کا عمل مکمل ہونے پر چیف جسٹس وزیراعظم کے خطوط کا جواب دیں گے۔
