پی ٹی آئی کے سینئر رہنما شاہ محمود قریشی پاکستان اس وقت غلط سمت میں چل رہا ہے ، ملک میں سیاسی بحران کی کیفیت ہے جس سے نکلنے کا واحد راستہ نئے انتخابات ہیں، قوم کو اس بحران سے نکالنے کے لیے عدلیہ شنوائی کرے۔
انہوں نے گجرات میں میڈیا سے گفتگو کرتے ہوئے کہا کہ ہمارے ارکان اسمبلی سپریم کورٹ رجسٹریز میں دستخط شدہ پٹیشن پیر کی صبح دائر کریں گے۔ عمران خان پر حملے کے بعد بھی پارٹی نے اپنا مارچ جاری رکھنے کا فیصلہ کیا، چیلنجز کو سامنے رکھتے ہوئے عمران خان نے بہت بڑا فیصلہ کیا۔
ان کا کہنا ہے کہ پاکستان میں سیاسی عدم استحکام ہے جس سے تاجر برادری بہت پریشان ہے، سرمایہ کاری نہیں ہو رہی ہے، اس کا واحد راستہ الیکشن ہے۔
رہنما پی ٹی آئی نے کہا کہ سینیٹر اعظم سواتی کو انصاف دیا جائے، ہماری درخواست کا دوسرا نکتہ ارشد شریف کی شہادت کامعاملہ ہے، قوم جاننا چاہتی ہےکہ ارشد شریف کے ساتھ کیا ہوا۔
ارشد شریف کی فیملی کو ان کی پوسٹ مارٹم رپورٹ نہیں ملی، ارشد شریف کا لیپ ٹاپ اور فون کہاں ہے؟ کس کے پ س ہت ،تاثر تھا کہ کینیا کی پولیس کے پاس ہے، لیکن اب وہ بھی انکاری ہیں۔
انہوں نے کہا کہ سائفر کے بارے میں پی ٹی آئی کا موقف سب کے سامنے ہے، اس کی اہمیت سے کوئی انکار نہیں کرسکتا ، ایف آئی اے نے ایک نوٹس بھیجا ہے کہ میں وہاں پیش ہو جاؤں۔
رہنما پی ٹی آئی کا کہنا ہے کہ ہماری پٹیشن میں چوتھا نکتہ ایف آئی آر کے حوالےسے ہے کہ کیا حملے کی ایف آئی آر کٹوانے کا حق نہیں؟ پولیس کی مدعیت میں جو ایف آئی آر درج کرائی گئی اس کی کوئی قانونی حیثیت نہیں، کاغذ کا ٹکڑا ہے۔
شاہ محمود قریشی نے بتایا کہ ہمارے ارکان اسمبلی سپریم کورٹ رجسٹریز میں دستخط شدہ پٹیشن دائر کریں گے، پٹیشنز پیر کی صبح سپریم کورٹ رجسٹریز میں جمع کرائیں گے۔ عمران خان پارٹی میں سب کی بات سنتے ہیں، تحریک انصاف میں معاملات جمہوری طریقے سے چلائے جاتے ہیں، پارٹی پالیسی سے ہٹ کر بیان دینے پر شوکاز نوٹس نہیں دے سکتے؟ جن لوگوں کےخلاف کارروائی ہوئی وہ پارٹی پالیسی کے تحت کی گئی۔
