خان صاحب کو رسک کا پتہ ہے ، اس لیے لانگ مارچ کی تاریخ دینے سے گریز کر رہے ہیں ، فواد چوہدری

تحریک انصاف کے رہنما فواد چوہدری نے کہا ہے کہ معاشی طور پر ملک کے حالات خراب ہیں۔فواد چوہدری نے کہا کہ لوگ لانگ مارچ کی تاریخ مانگ رہے ہیں لیکن خان صاحب کو لانگ مارچ کے رسک کا پتہ ہے ، اس لیے وہ لانگ مارچ کی تاریخ دینے سے گریز کر رہے ہیں۔

سابق وفاقی وزیرِ فواد چوہدری کا کہنا ہے کہ لانگ مارچ کے بعد عدم استحکام ہو گا۔ میں عمران خان کو مشورہ دیا تھا کہ نیب ہمارے کنٹرول میں نہیں۔ نیب کو ختم کر دیا جائے یا بڑے کیسز نیب سے لے کر ایف آئی اے کے سپرد کر دیے جائیں، لیکن میری بات نہیں مانی گئی۔

واضح رہے کہ لاہور میں صحافیوں سے گفتگو میں چیئرمین تحریک انصاف عمران خان نے کہا تھا کہ لانگ مارچ کب ہوگا ؟ کسی کو تاریخ نہیں بتاؤں گا۔ پارٹی کی ہر چیز ریکارڈ ہوتی ہے لیکن لانگ مارچ کی تاریخ میں نے اپنے تک رکھی ہوئی ہے۔