شمالی وزیرستان کے علاقے میر علی میں فوجی قافلے پر خودکش حملے کے نتیجے میں 4 فوجی جوان شہید ہو گئے۔
پاک فوج کے شعبۂ تعلقاتِ عامہ (آئی ایس پی آر) کے مطابق شہداء میں لانس نائیک شاہ زیب، لانس نائیک سجاد، سپاہی عمیر اور خرم شامل ہیں۔
آئی ایس پی آر کا کہنا ہے کہ پاک فوج دہشت گردی کے ناسور کے خاتمے کے لیے پر عزم ہے ، ہمارے بہادر نوجوانوں کی قربانیاں رائیگاں نہیں جائیں گی۔
آئی ایس پی آر کا یہ بھی کہنا ہے کہ سیکیورٹی ایجنسی خودکش حملہ آور اور اس کے سہولت کاروں سے متعلق تحقیقات کر رہی ہے۔
