عوامی مسلم لیگ کے سربراہ، سابق وفاقی وزیرِ داخلہ شیخ رشید نے کہا ہے کہ بھتہ اور خودکش حملے شروع ہو گئے، ملکی سیاست اور اقتدار سے زیادہ ملک کی سلامتی اہم ہے۔
ٹوئٹر پر جاری کیے گئے سلسلہ وار ٹوئٹس میں شیخ رشید نے کہا کہ آج ن لیگ کا بیانیہ دفن ہوگیا ہے، 2 ووٹوں کی حکومت 15 اتحادی پارٹیوں کے ساتھ بے لگام ہو رہی ہے۔ ان لوگوں کا ناکام ایجنڈا عمران خان کو نااہل اور نواز شریف کو اہل کروانا ہے، بے لگام حکومت کی عقل پر پردہ پڑ چکا ہے۔
ملکی سیاست اور اقتدار سے زیادہ ملک کی سلامتی اہم ہے۔ افغانستان کا عدم استحکام پاکستان پر بھی اثرانداز ہوگا۔ بھتہ اور خودکش حملے شروع ہو گئے ہیں۔ حکومتی خواہشوں سے من پسند خبریں نہیں بن سکتیں۔ مشرف نے چینل لائیسنس دیے،مفاد پرست فاشسٹ بند کر رہے ہیں۔آج ن لیگ کا بیانیہ دفن ہوگیا ہے.
— Sheikh Rashid Ahmed (@ShkhRasheed) August 9, 2022
دو ووٹوں کی حکومت،15اتحادی پارٹیوں کے ساتھ بے لگام ہو رہی ہے۔انکا ناکام ایجنڈا عمران خان کو نااہل اور نواز شریف کو اہل کروانا ہے۔بےلگام حکومت کی عقل پر پردہ پڑ چکا ہے۔معاشی تباہی،سیاسی عدم استحکام،بھتہ اور دہشتگردی کا آغازانکی سیاست کودفن کردے گا۔13اگست11بجے لال حویلی خطاب کرونگا
— Sheikh Rashid Ahmed (@ShkhRasheed) August 9, 2022
انہوں نے کہا کہ معاشی تباہی، سیاسی عدم استحکام، بھتہ اور دہشت گردی کا آغاز ان کی سیاست کو دفن کر دے گا۔ چین پاکستان کا بھلا سوچ رہا ہے، اس کے اشاروں کو سمجھیں، یومِ آزادی کو یومِ بربادی نہ بنائیں، افغانستان کا عدم استحکام پاکستان پر بھی اثر انداز ہو گا۔
ان کا کہنا ہے کہ سابق وزیرِ اعظم عمران خان کو گرفتار کرنا یا تحریکِ انصاف کو توڑنے کی منصوبہ بندی کرنا خونی سیاست کا آغاز ہو گا۔
شیخ رشید کا یہ بھی کہنا ہے کہ حکومتی خواہشوں سے من پسند خبریں نہیں بن سکتیں، مشرف نے چینل لائسنس دیے، مفاد پرست فاشسٹ چینل بند کر رہے ہیں۔