تازہ ترینجرم کہانیخبریںخواتین

دریائے سندھ میں خاتون کی چھلانگ لگا کر خود کشی کی فوٹیج وائرل

ڈی جی خان: ڈیرہ غازی خان میں ایک خاتون نے دریائے سندھ میں چھلانگ لگا کر خود کشی کر لی۔

تفصیلات کے مطابق سوشل میڈیا پر دریائے سندھ میں ایک خاتون کی چھلانگ لگا کر خود کشی کی فوٹیج وائرل ہوئی ہے، جس میں نامعلوم خاتون کو دریا میں چھلانگ لگاتے دیکھا جا سکتا ہے۔

خاتون نے نامعلوم وجوہ کی بنا پر غازی گھاٹ پل سے دریا میں چھلانگ لگائی، ویڈیو کے مطابق خاتون کچھ دیر تک پل کے کنارے پر بیٹھی رہی اور چھلانگ لگانے کی ہمت جٹاتی رہی۔

ایک راہگیر نے خاتون کو اس طرح بیٹھے دیکھ کر دبے پاؤں دوڑ کر اسے پکڑ کر بچانے کی کوشش کی لیکن ناکام ہو گیا۔

ویڈیو میں دیکھا جا سکتا ہے کہ راہگیر نے جھپٹا مار کر جب خاتون کو پکڑنے کی کوشش کی تو عین اسی لمحے خاتون نیچے پانی میں کود گئی، اور شہری کے ہاتھ میں اس کا اسکارف ہی آیا۔

ڈی جی خان کے ریسکیو ذرائع کا کہنا ہے کہ خاتون کی تلاش کے لیے ریسکیو آپریشن کیا جا رہا ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button