سابق وزیراعظم شاہد خاقان عباسی ایک بار پھر نیب پر برس پڑے۔
تفصیلات کے مطابق احتساب عدالت کے باہر میڈیا سے گفتگو کرتے ہوئے لیگی رہنما نے ایک بار پھر نیب کو ہدف تنقید بنایا اور کہا کہ اگر آپ نے ملک کی سیاست پر اثراندازہوناہےتو نیب کی ضرورت ہے، آج نیب ملک کا کرپٹ ترین ادارہ ہے۔
انہوں نے کہا کہ چیئرمین نیب آٹھ ماہ دیہاڑی پر نوکری کرکے واپس چلے گئے، وہ کوشش کر رہے ہیں کہ واپس کرسی پر آسکیں مگر اب چیئرمین نیب کو جوابدہ ہونا پڑے گا، جب تک نیب کا خوف رہے گا ملک نہیں چل سکتا۔
شاہد خاقان عباسی نے ایک سوال کے جواب میں بتایا کہ ملک میں لوڈشیڈنگ اب ساڑھے 3 گھنٹے سے کم ہوگی، جبکہ 30 جون تک لوڈشیڈنگ ڈیڑھ سے دو گھنٹے رہ جائے گی۔
سابق وزیر اعظم نے کہا کہ اگر کوئی ریٹائرڈ افسران ہیں تو پہلے کہاں تھے؟ ریٹائرڈ افسران اگر الیکشن چاہتے ہیں تو ضرور ہوں گے، ملک میں الیکشن ہونا چاہیے، ہم بھی کہتے تھے، اب اکتوبر دو ہزار تئیس میں الیکشن ہوجائیں گے۔
