سندھ حکومت کی جانب سے کراچی اور لاڑکانہ میں 1122 ایمبولنس کی سروس کا آغاز کردیا گیا۔
کراچی میں ایک تقریب سے خطاب کرتے ہوئے ایڈمنسٹریٹر کراچی مرتضیٰ وہاب نے کہا کہ اتنی اچھی سروس شروع کرنے پر سندھ حکومت کے شکرگزار ہیں، پاکستان پیپلز پارٹی کی لیڈر شپ نے اپنا وعدہ پورا کیا ہے۔
مرتضیٰ وہاب کا کہنا ہے کہ سندھ اسمبلی میں جو وعدہ کیا گیا وہ آج پورا کررہے ہیں، خوشی ہے کہ پچاس ایمبولینس کراچی پہنچ گئی ہیں۔
انہوں نے کہا کہ یہ ایمبولنس سروس آج سے ہی کام شروع کردے گی، 1122 پر فون کرنے پر ہماری ٹیم مکمل مدد فراہم کرے گی۔
ان کا مزیدکہنا تھا کہ فائر بریگیڈ کو بھی اس سروس سے لنک کرینگے، کسی بھی ایمرجنسی میں اس سروس کو استعمال کیا جاسکے گا۔
مرتضیٰ وہاب نےکہا کہ ہر مہینے 40 نئی ایمبولنسیں سروس میں شامل کریں گے،اسی طرح ہم کام کرتے رہیں گے تاکہ ملک اور صوبے کو بہترسے بہتر بناسکیں۔
ایڈمنسٹریٹر کراچی کا کہنا تھا کہ کراچی میں سندھ کے مزید پروجیکٹس بھی جلد مکمل ہوجائیں گے۔
Rescue 1122 emergency service will become operational in #Karachi from tomorrow with a new fleet of ambulances. In the coming weeks this service will be expanded to highways & other important roads of #Sindh as well as other districts of the province #SindhFactspic.twitter.com/eRnysNhuJR
— Murtaza Wahab Siddiqui (@murtazawahab1) May 30, 2022
