متحدہ اپوزیشن اسپیکر قومی اسمبلی کیخلاف بھی میدان میں آگئی، اپوزیشن نے اسپیکر اسد قیصر کیخلاف تحریک عدم اعتماد جمع کرادی۔
اس حوالے سے ذرائع کا کہنا ہے کہ تحریک عدم اعتماد جمع ہونے پر اسپیکر اسد قیصر کی جگہ ڈپٹی اسپیکر قومی اسمبلی قاسم سوری اجلاس کی صدارت کرینگے۔
عدم اعتماد جمع ہونے کی وجہ سے اسپیکر اسد قیصر قومی اسمبلی کے اجلاس کی صدارت نہیں کرسکیں گے۔
اسپیکر قومی اسمبلی اسد قیصر کے خلاف عدم اعتماد کی تحریک پر 100 سے زائد ارکان قومی اسمبلی کے دستخط موجود ہیں۔
اسپیکر قومی اسمبلی کے خلاف تحریک عدم اعتماد ایاز صادق، خورشید شاہ، نوید قمر اور شاہدہ اختر علی نے جمع کرائی۔
قواعد کے مطابق اسپیکر قومی اسمبلی اجلاس غیر معینہ مدت تک ملتوی نہیں کر سکتے۔
یاد رہے کہ اپوزیشن جماعتوں کی جانب سے وزیراعظم عمران خان کے خلاف جمع کرائی گئی تحریک عدم اعتماد پر ووٹنگ آج ہوگی اور اس حوالے سے قومی اسمبلی کا اجلاس 11 بجے طلب کیا گیا ہے۔
