دلچسپ و حیرت انگیز

ہم نے اہرام کرائے پر لیے‘‘ : یو ٹیوبر ’’مسٹر بیسٹ‘‘ کے بیان نے تنازع کھڑا کر دیا

مشہور مواد کے تخلیق کار اور یوٹیوبر جیمز سٹیفن ڈونلڈسن، جسے "مسٹر بیسٹ” کے نام سے جانا جاتا ہے، نے یہ اعلان کر کے اپنے فالوورز کو حیران کر دیا کہ اس نے اپنے دوستوں کے گروپ کے لیے رازوں سے پردہ اٹھانے کے لیے گیزا کے اہرام "خوفو، خفرع، منقرع ” کو 100 گھنٹے کے لیے کرائے پر لیا تھا۔ اس بیان کے بعد مصری وزارت نوادرات کو معاملے کی وضاحت کے لیے بیان جاری کرنا پڑا ہے۔

مشہور نوجوان نے یو ٹیوب پر ایک ویڈیو میں وضاحت کی کہ وہ اور ان کی ٹیم 100 گھنٹے تک اہراموں کی فلم بندی کریں گے اور ان کے اندر کسی بھی جگہ کی تلاش کریں گے۔
وہ اور اس کے دوست اہراموں کے اندر سوئیں گے اور ان کے ساتھ ایک ٹور گائیڈ ہو گا جو انہیں تاریخی معلومات فراہم کرے گا۔ وہ اُن کمروں تک رسائی حاصل کرنے کے قابل بھی ہوں گے جنہیں کبھی عوام میں نہیں دیکھا گیا۔ ان بیانات نے مصریوں کو چونکا دیا اور گذشتہ گھنٹوں کے دوران سوشل میڈیا پر بڑے پیمانے پر ہنگامہ برپا کر دیا۔ مصریوں کی ایک بڑی تعداد نے اہراموں کو کرائے پر لینے کے خیال کی مذمت کی۔

اس بارے میں بھی کئی سوالات پھیلے کہ کیا مصری قوانین اس معاملے کی اجازت دیتے ہیں۔ عظیم ماہرِ آثار قدیمہ زاہی حواس نے العربیہ ڈاٹ نیٹ اور الحدث ڈاٹ نیٹ کو خصوصی بیانات میں اہراموں کو کرائے پر لینے کے امکان کی تردید کردی۔ انہوں نے کہا مصری قوانین میں "اہراموں کو کرائے پر دینا” نام کی کوئی چیز نہیں ہے۔ انہوں نے کہا بلاگر کے بیانات کو زبان کی پھسلن یا مبالغہ آرائی سمجھنا چاہیے۔

انہوں نے مزید کہا کہ قوانین کے مطابق اہرام کے علاقے میں ایک ایسے طریقہ کار کے بدلے میں فوٹو گرافی کی اجازت ہے جو کئی سالوں سے چلی آ رہی ہے اور دنیا کے کئی ممالک میں اس کی پیروی کی جاتی ہے
انہوں نے وضاحت کی ہے کہ "مسٹر بیسٹ” ضروری اجازت نامے حاصل کرنے کے بعد 4 دن تک اہرام کے علاقے میں فلم بندی کر رہے ہیں۔ انہوں نے زور دیا کہ مشہور بلاگر نے قدیم مصری تہذیب اور جادو میں دلچسپی رکھنے والوں کے سامنے اپنے نئے مواد کی تشہیر کے میدان میں اہرام کے حوالے سے اپنے بیان میں دھوکہ دیا ہے
اہرام کے اندر سونا
ماہر آثار قدیمہ زاہی حواس نے اس بات کی تردید کی کہ ’’مسٹر بیسٹ‘‘ اہرام کے اندر سوئے تھے یا سوئیں گے۔ انہوں نے کہا اہرام کے ساتھ والے صحرا میں ان کے سونے کے لیے ایک خیمہ تیار کیا گیا تھا۔ معروف ماہر آثار قدیمہ نے اس بات کی بھی تصدیق کی کہ نوجوان یوٹیوبر، جسے دنیا بھر میں کروڑوں لوگ فالو کرتے ہیں، اس دورے کی سیاحتی اہمیت پر زور دیتے ہوئے مصر میں سیاحت کے لیے زبردست پروپیگنڈہ کریں گے۔
مصر کی وزارت سیاحت و نوادرات نے جمعرات کو ایک بیان جاری کیا جس میں تصدیق کی گئی کہ امریکی بلاگر کی جانب سے "اہرام کے علاقے کو کرائے پر لینے” کا موضوع مکمل طور پر بے بنیاد ہے۔ علاقے کو کرائے پر دینا غیر منطقی اور ناقابل تصور ہے
تصویر لینے کی اجازت
وزارت نے کہا کہ یوٹیوبر نے جو کہا ہے کہ اس نے اس علاقے کو کرائے پر لیا ہے تو اس نے علاقے کو کرایہ پر نہیں لیا بلکہ کیا ہوا کہ اس نے محض سرکاری کام کے اوقات سے باہر فلمبندی کا اجازت نامہ حاصل کیا تھا۔ اس نے فلم بندی کا کام مکمل طور پر مکمل کر لیا تھا اور فلم بندی کے دوران علاقے کو ایک گھنٹے کے لیے بھی بند نہیں کیا گیا تھا۔
وزارت نے اس بات پر بھی زور دیا کہ اس معاملے کو ریگولیٹ کرنے والے تمام ضوابط پر عمل کیا گیا ہے۔ یو ٹیوبر اور اس کے عملے کو فلم بندی کے پورے عرصے کے دوران علاقے کے ماہرین آثار قدیمہ کے ساتھ رکھا گیا تاکہ فلم بندی کے عمل کو ریگولیٹ کرنے کے تمام طریقہ کار کی تعمیل کو یقینی بنایا جا سکے اور اس دوران آثار قدیمہ کے تحفظ کو یقینی بنایا جا سکے۔

واضح رہے گیزا سطح مرتفع پر واقع گیزا اہرام کمپلیکس میں تین عظیم اہرام خوفو، خفرع، منقرع اور ابو الھول اور کئی فرعونی مقبرے موجود ہیں۔

جواب دیں

Back to top button