بھارت کے شہر احمد میں SPA مالک کی جانب سے خاتون کو بد ترین تشدد کا نشانہ بنایا گیا، خاتون کو اس دوران بالوں سے بھی گھسیٹا گیا جبکہ موقع پر موجود شخص نے بچانے کی کوشش بھی نہیں کی۔
سی سی ٹی وی کیمرے میں قید ہونے والے واقعے میں دیکھا جا سکتا ہے کہ ایک شخص بار بار خاتون کو تھپڑ مار رہا ہے اور اسے بالوں سے گھسیٹ رہا ہے اور اس کے کپڑے پھاڑ دیتا ہے۔ عورت پر تشدد کی سطح اس قدر شدید ہے کہ وہ اپنا دفاع کرنے سے بھی قاصر ہے۔
افسوسناک واقعے کی ویڈیو احمد آباد میں واقع گلیکسی SPA سے آئی ہے، جبکہ ملزم کی شناخت محسن کے نام سے کی گئی ہے۔
Disturbing CCTV footage shows Galaxy spa owner Mohsin beating a woman from North-east in Ahmedabad.
— Rishi Bagree (@rishibagree) September 27, 2023
وائرل ویڈیو میں یہ بھی دکھایا گیا ہے کہ دو آدمی کھڑے ہوکر پورے واقعہ کو دیکھ رہے ہیں۔ بعد ازاں ایک تیسرا آدمی ملزم کو روکنے کی کوشش کرتا ہے جو بدلے میں اس شخص کو دھکا دے دیتا ہے اور پھر خاتون کو مارنا شروع ہوجاتا ہے، یہ واقعہ 25 ستمبر کو پیش آیا۔
متاثرہ خاتون کی جانب سے واقعے کا مقدمہ درج کرا دیا گیا ہے، خاتون نے بتایا کہ وہ اس لیڈیز سیلون میں محسن کے ساتھ پارٹنر تھی اور لڑکی کو ڈانٹنے پر دونوں کے درمیان جھگڑا ہوا۔
تاہم، پولیس نے اسے کونسلنگ کے ذریعے شکایت درج کرنے کے لیے راضی کیا۔ خاتون نے تعاون پر پولیس اور میڈیا کا شکریہ ادا کیا۔
Sindhu Bhavan Spa CCTV footage row: On the complaint given by the victim, Bodakdev police have booked one Mohsin under Indian Penal Code (IPC) sections 354A, 294(b), 323. The incident happened on 25 September. Police started suo motu action and convinced the victim woman to file… pic.twitter.com/qxxId2jGiX
— DeshGujarat (@DeshGujarat) September 28, 2023
تشدد کا شکار ہونے والی خاتون نے بتایا کہ میں نے محسن کے ساتھ مل کر خواتین کا سیلون کھولا تھا، سیلون میں کام کے دوران کسی نقصان پر میں نے ایک لڑکی کو ڈانٹا جس پر محسن نے مجھ پر غصہ کیا۔
خاتون نے کہا کہ میں نے محسن سے پوچھا کہ وہ اس لڑکی کا اتنا زیادہ فیور کیوں کررہا ہے، کہ اسے میرا ڈانٹنا بھی پسند نہیں آرہا ہے۔ اس پر غصے میں آکر محسن نے مجھے مارنا شروع کردیا۔
میں نے پولیس کو کال کرنے کی کوشش کی لیکن محسن نے میرا موبائل فون مجھ سے چھین لیا، میں اس سے بچنے کے لئے بھاگی اور بیچ سڑک پر پہنچ گئی، اس دوران اس نے مجھے بد ترین تشدد کا نشانہ بنایا اور میرے کپڑے تک پھاڑ دیئے۔
متاثرہ خاتون نے کہاکہ محسن کے معافی مانگنے پر میں نے اسے معاف کردیا تھا مگر مجھے سب نے کہا کہ آج تمہارے ساتھ ایسا ہوا ہے کل کسی اور کے ساتھ بھی ایسا ہی ہوسکتا ہے، پولیس میرے پیچھے کھڑی ہے اور میڈیا بھی۔ میں اچھا محسوس کر رہی ہوں اور میں سب کا شکریہ ادا کرتی ہوں۔
