بھارت میں واقع شیلٹر ہوم میں ایک افسوسناک واقعہ پیش آیا ہے، بچے کو چپلوں سے مارنے والی خاتون کی ویڈیو سوشل میڈیا پر وائرل ہوگئی۔
ریاست اترپریش کے شہر آگرہ کے چائلڈ شیلٹر ہوم سے سامنے آنے والی ویڈیو نے لوگوں کو افسردہ کردیا۔ پناہ گاہ کی سپرنٹنڈینٹ خاتوں پلنگ پر لیٹے بچے سے کسی بات پر خفا ہے اور اسے چپلوں سے بری طرح مار رہی ہے۔
ویڈیو میں دیکھا جاسکتا ہے کہ سپرنٹنڈینٹ پونم لال کس قدر بے رحمی سے بچے کو تشدد کا نشانہ بنا رہی ہے جب کہ بچہ بے یارو مددگار پلنگ پر پڑا ہے اور سسک سسک کر رو رہا ہے۔
مذکورہ واقعہ آگرہ کے راجکیا بال گڑھ چائلڈ شیلٹر میں پیش آیا ہے اور جو خاتون اس میں ملوث ہے اس کی شناخت چائلڈ شیلٹر میں بحیثیت سپرنٹنڈینٹ خدمات انجام دینے والی آفیشل کی حیثیت سے ہوئی ہے۔
اس حوالے سے حکام کا کہنا ہے کہ ویڈیو کے وائرل ہونے کے بعد اتھارٹیز کو واقعے کے بارے میں پتا چلا۔ ڈسٹرکٹ مجسٹریٹ نے ڈسٹرکٹ پروبیشنری آفیسر (ڈی پی او) کو واقعے کی تحقیقات کرکے رپورٹ جمع کرانے کا حکم دیا تھا۔
رپورٹ آنے کے بعد ڈسٹرکٹ مجسٹریٹ کے حکم پر لکھنو کی ویمن ویلفیئر ڈپارٹمنٹ نے سپرنٹنڈیٹن پونم لال کو معطل کردیا ہے۔ ڈپی او اجے شاہ کا کہنا تھا کہ بچوں پر اس طرح کا تشدد کسی طرح بھی قابل قوبل نہیں۔
In #Agra's govt run children shelterhome (Pachkuiyaan), Poonam Lal, the center superintendent was caught slapping a girl with slippers. Earlier she was booked for abetment to suicide in #Prayagraj district in 2021 after a 15-yr-old girl allegedly killed her self in shelter home pic.twitter.com/JE5V56jR7l
— Arvind Chauhan 💮🛡️ (@Arv_Ind_Chauhan) September 12, 2023