چیف الیکشن کمشنر سکندر سلطان راجا نے صدر مملکت ڈاکٹر عارف علوی سے ملاقات نہیں کرنے کا فصلہ کیا ہے۔
تفصیلات کے مطابق صدر مملکت کے خط کے بعد چیف الیکشن کمشنر کی زیر صدارت الیکشن کمیشن کا اہم اجلاس ہوا، اجلاس میں قانونی ٹیم نے آئینی و قانونی پر بریفنگ دی۔
قانونی ٹیم نے بریفنگ میں کہا کہ الیکشن ایکٹ کے تحت صدر سے انتخابی شیڈول پرمشاورت ضروری نہیں، قانونی ٹیم نے صدر مملکت سے مشاورت نہ کرنے کی تجویز دی۔
جس کے بعد اجلاس میں چیف الیکشن کمشنر سکندر سلطان راجا نے صدر مملکت کے خط کا جواب دینے کا فیصلہ کیا ہے۔
الیکشن کمیشن کا کہنا ہے کہ انتخابی شیڈول جاری کرنے کا اختیار الیکشن کمیشن کے پاس ہے، اجلاس میں صدر مملکت سے مشاورت کیلئے نہیں جائیں گے۔
واضح رہے کہ گزشتہ روز صدر مملکت ڈاکٹر عارف علوی نے چیف الیکشن کمشنر سکندر سلطان راجا کو عام انتخابات کی مناسب تاریخ طے کرنے کے لیے ملاقات کی دعوت دی تھی
