صدر مملکت 12 اگست تک نگران وزیرِاعظم کا نام دینے کے لیے خط لکھ دیا
صدر مملکت ڈاکٹر عارف علوی نے وزیرِ اعظم اور قائدِ حزبِ اختلاف کو 12 اگست تک نگران وزیرِاعظم کا نام دینے کے لیے خط لکھ دیا۔
سماجی رابطوں کی ویب سائٹ ’ایکس‘ پر جاری کردہ بیان میں کہا گیا ہے کہ کا صدر مملکت عارف علوی نے وزیراعظم شہباز شریف اور اور تحلیل شدہ قومی اسمبلی کے قائدِ حزبِ اختلاف راجہ ریاض احمد کو کل تک نگران وزیراعظم کا نام دینے کے لیے خط لکھا دیا۔
صدر مملکت نے خط میں لکھا گیا ہے کہ آئین کے آرٹیکل 224 (1) اے کے تحت صدر مملکت وزیراعظم اور قائدِحزب اختلاف کے مشورے سے نگران وزیر اعظم کی تعیناتی کرتے ہیں۔خط میں لکھا گیا ہے کہ آئین کے تحت وزیرِاعظم اور قائد حزب اختلاف کو قومی اسمبلی کی تحلیل کے 3 دن کے اندر نگران وزیرِ اعظم کا نام تجویز کرنا ہوتا ہے۔
صدر مملکت نے خط میں لکھا کہ میں نے وزیراعظم کی تجویز منظور کی، 9 اگست کو قومی اسمبلی تحلیل کر دی،وزیرِ اعظم اور قائد حزب اختلاف 12 اگست تک موزوں نگران وزیر اعظم کا نام تجویز کریں۔
