تازہ ترینتحریکخبریںسیاسیات

حکومت "لندن پلان” کے تحت الیکشن سے پہلے مجھے گرفتار کرنا چاہتی ہے، عمران خان

چیئرمین پی ٹی آئی عمران خان کا کہنا ہے کہ حکومت "لندن پلان” کے تحت الیکشن سے پہلے مجھے گرفتار کرنا چاہتی ہے۔

تفصیلات کے مطابق چیئرمین پی ٹی آئی عمران خان سے پی ٹی آئی کے صدر چوہدری پرویز الہٰی ںے ملاقات کی، جس میں سیاسی صورت حال ، قانونی اور عدالتی معاملات پر بات چیت ہوئی۔

ملاقات میں دونوں رہنماؤں نے پولیس کے زمان پارک میں ظالمانہ آپریشن کی مذمت کی۔

عمران خان نے کہا کہ حکومت انتقامی کارروائیوں میں اندھی ہوچکی ہے، کارکنو ں پر فخر ہے وہ ظلم کے ہر ہتھکنڈے کا مقابلہ کر رہے ہیں۔

پی ٹی آئی چیئرمین کا کہنا تھا کہ حکومت الیکشن سے خوفزدہ ہے، یہ "لندن پلان” کے تحت الیکشن سے پہلے گرفتاری چاہتی ہے ، ہمیں انتخابی مہم سے روکنے کے ہتھکنڈے استعمال کیے جا رہے ہیں۔

اس موقع پر سابق وزیراعلیٰ پنجاب چوہدری پرویز الہیٰ نے کہا کہ انتخابات کرانے کے آئینی اور قانونی حکم میں رکاوٹ برداشت نہیں کی جائے گی۔

پرویز الہیٰ کا کہنا تھا کہ زمان پارک آپریشن مریم نواز کی خواہش پر کیا جا رہا ہے، نگران پنجاب حکومت وفاقی حکومت کی کٹھ پتلی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button