پی ایس ایل چیمپئن اسلام آباد یونائیٹڈ نے دنیا کا پہلا عالمی معیار کا ورچوئل کرکٹ سٹیڈیم لانچ کر کے میٹا ورس کی دنیا میں قدم رکھ دیا ہے۔
ایچ بی ایل پی ایس ایل 8 کے دوران یہ اسٹیڈیم دنیا کے معروف اوپن میٹا ورس ’ڈی سینٹرا لینڈ ‘ میں ویکس سٹی کے اشتراک سے تعمیر کیا جائیگا، جو جڑواں سٹیڈیم کے ساتھ اینڈرائیڈ صارفین کے لئے بھی دستیاب ہوگا۔
Say hello to the World's FIRST metaverse experience in Cricket!
We proudly introduce ‘U-Meta Stadium’ that offers unprecedented experiences with FREE digital collectible cards. (Coming Soon)
Check it out: https://t.co/KLuHbcdSMi | @UM3taverse #ISLUMetaverse #UMetaStadium pic.twitter.com/CpsZWCzRGI
— Islamabad United (@IsbUnited) February 4, 2023
شائقین کرکٹ اس ورچوئل سٹیڈییم کے باعث پہلی بار انٹرایکٹو تجربات کی ایک سیریز کے ذریعے اپنی پسندیدہ ٹیم کے پہلے سے کہیں زیادہ قریب تر ہوسکیں گے۔
شائقین کرکٹ نہ صرف اپنے پسندیدہ کھلاڑیوں کے اوتاروں کے ساتھ بات چیت کرسکیں گے بلکہ لاکر روم،پلیئرز لاؤنج اور فینز کانفرنس روم کے ساتھ ساتھ اسٹیڈیم کے اندر دیگر حصوں تک بھی رسائی حاصل کرسکیں گے۔
ورچوئل کرکٹ سٹیڈیم کا یہ منفرد تجربہ شائقین کرکٹ کو مزید انعامات جیتنے کے مواقعے بھی فراہم کرئے گا، جس کے لئے انہیں ڈیجیٹل سپانسرز کی جانب سے پیش کئے گئے اسلام آباد یونائیٹڈ کی آفیشل ڈیجیٹل کٹس، کلب کی یادگاری اور دلچسپ چیلنجز کو مکمل کرنا ہوگا۔
