تحریک انصاف کی رہنما شیریں مزاری نے پاکستان کیخلاف ہرزہ سرائی پر جوبائیڈن کو جواب دیتے ہوئے کہا امریکا جوہری صلاحیت سے لیس غیرذمہ دارسپرپاور ہے۔
تفصیلات کے مطابق پاکستان کیخلاف ہرزہ سرائی پر تحریک انصاف کی رہنما شیریں مزاری نے امریکی صدر کو آئینہ دکھا دیا۔
ڈاکٹرشیریں مزاری نے کہا کہ بائیڈن کی پاکستان کےخلاف ہرزہ سرائی توغیرمتوقع نہیں، امریکا یہ سب باقاعدگی سے کرنے کاعادی ہے۔
پی ٹی آئی رہنما کا کہنا تھا کہ جوبائیڈن!آپ پاکستانی قوم سےمعافی مانگیں، تبدیلی سازش ناکام ہونے پر ایسے شر انگیز خیالات اُگلے جا رہے ہیں۔
انھوں نے مزید کہا کہ دنیا کیلئے اصل خطرہ جوہری امریکا ہے، جوبائیڈن آپ کا اپنے جوہری ہتھیاروں پر کوئی کنٹرول نہیں۔
شیریں مزاری کا کہنا تھا کہ امریکا جوہری صلاحیت سےلیس غیرذمہ دارسپرپاور ہے، بائیڈن صاحب آپ کے تو شہری تک محفوظ نہیں۔
