خیبر پختونخوا میں ٹانک کے میئر صدام حسین پر مسلح افراد کی جانب سے قاتلانہ حملے میں سیکیورٹی پر مامور 4 پولیس اہلکار شہید اور 2 زخمی ہوگئے ہیں۔
مئیرٹانک صدام حسین پرہونےوالےقاتلانہ حملہ کی شدید الفاظ میں مذمت کرتاہوں،حملےمیں شہیدہونےوالےجوانوں کےاہلخانہ کے غم میں برابرکاشریک ہوں،ٹانک میں امن و امان کی صورتحال کوخراب کرنےکی کوشش کی جارہی ہے،PTI کی حکومت میں JUIکےمنتخب نمائندوں اورکارکنان کومسلسل ٹارگٹ کانشانہ بنایاجارہاہے
— Maulana Asad Mahmood (@AsadMahmoodJUI) September 9, 2022
پولیس کا کہنا ہے کہ تحصیل ٹانک کے میئر کی سیکیورٹی پر تعینات پولیس وین پر فائرنگ کی گئی ہے، فائرنگ سے 4 پولیس اہلکار جاں بحق اور 2 زخمی ہوگئے، حملے میں میئر ٹانک محفوظ رہے۔
پولیس کا کہنا ہے کہ میئر ٹانک سیلاب متاثرہ علاقوں کا دورہ کر رہے تھے، علاقے کو گھیرے میں لے لیا گیا ہے۔
دوسری جانب وفاقی وزیر مولانا اسعد محمود نے مئیر ٹانک صدام حسین پر ہونے والے قاتلانہ حملہ کی شدید الفاظ میں مذمت کی ہے ۔
