چیئرمین تحریک انصاف عمران خان کے چیف آف سٹاف شہباز گل کے طبی معائنےکے لیے نیا میڈیکل بورڈ تشکیل دے دیا گیا۔
ذرائع کے مطابق شہباز گل کے طبی معائنےکے لیے 4 رکنی میڈیکل بورڈ تشکیل دیا گیا ہے، نئے میڈیکل بورڈ کی سربراہی ایسوسی ایٹ پروفیسر شفاعت رسول کریں گے، میڈیکل بورڈ میں ڈاکٹر سلمان، ڈاکٹر انعام شامی اور ڈاکٹر ضیاء شامل ہیں۔میڈیکل بورڈ شہبازگل کے علاج کے ساتھ مبینہ تشدد کے متعلق رپورٹ مرتب کرے گا۔
دوسری جانب ذرائع پمز اسپتال کا کہنا ہےکہ شہباز گل کے معمول کے کلینیکل ٹیسٹ کیے جا رہے ہیں، شہباز گل کا بلڈ پریشر، شوگر اور نبض کی رفتار معمول کے مطابق ہے۔
ذرائع کا کہنا ہےکہ شہباز گل کو سینے کا معمولی انفیکشن ہے جس کی دوا دی جا رہی ہے۔
