بھارتی ریاست اتر پردیش میں خانۂ شادی اس وقت خانۂ غم بن گیا جب شادی کا جشن منانے کے لیے دولہا نے ہوائی فائرنگ کی اور اس کے نتیجے میں اس کا اپنا ہی دوست ہلاک ہو گیا۔
بھارتی میڈیا رپورٹ کے مطابق سون بھدرا کے علاقے برہمن نگر میں ہونے والی شادی کی ویڈیو کیمرے میں محفوظ ہوگئی ۔
ویڈیو میں دولہا کو شادی کا جشن مناتے ہوئے ہوائی فائرنگ کرتے دیکھا جا سکتا ہے کہ اچانک اس کے دوست کو گولی لگ جاتی ہے۔
گولی لگنے کے بعد زخمی کو فوری اسپتال منتقل کیا گیا لیکن وہ زخموں کی تاب نہ لاتے ہوئے زندگی کی بازی ہار گیا۔
پولیس کے مطابق مقتول کے لواحقین نے منیش مدھیشیا کے خلاف ایف آئی آر درج کی جس پر دولہا کو گرفتار کرلیا گیا ہے جبکہ ان کا کہنا ہے کہ بھارت میں ہوائی فائرنگ قابل سزا جرم ہے۔
