آسٹریلیا کے شہر سڈنی کے ساحل پر فائرنگ کے واقعے کے بعد ایشیز سیریز کے ایڈیلیڈ میں شیڈول تیسرے ٹیسٹ میں سیکیورٹی بڑھانے کا فیصلہ کر لیا گیا۔
سڈنی کے ساحل پر حالیہ فائرنگ کے واقعے میں اب تک 15 افراد ہلاک اور 40 زخمی ہو چکے ہیں، جن میں دو پولیس اہلکار بھی شامل ہیں۔ اس واقعے کے بعد آسٹریلیا اور انگلینڈ کے درمیان 17 دسمبر سے ایڈیلیڈ اوول میں شیڈول ایشیز سیریز کے تیسرے ٹیسٹ کے دوران سیکیورٹی سخت کر دی گئی ہے۔
ساؤتھ آسٹریلیا پولیس کمشنر گرانٹ اسٹیونز نے بتایا کہ ایڈیلیڈ اوول کے اردگرد سیکیورٹی رسپانس سیکشن تعینات کیا جائے گا۔ یہ سیکشن اعلیٰ تربیت یافتہ پولیس افسران پر مشتمل ہے اور اضافی اسلحہ سے لیس ہے۔
کمشنر کے مطابق رسپانس سیکشن پبلک مقامات پر تعینات ہے اور اسٹیڈیم کے اردگرد موجود ہوگا تاکہ شائقین کی حفاظت کو یقینی بنایا جا سکے۔
