ترکی کا استنبول کے مقبول میئر کو دو ہزار سال سے زیادہ قید کی سزا کا مطالبہ

ترکی کے سب سے بڑے شہر استنبول کے پراسیکیوٹر نے مقبول میئر اکرم امام وغلو پر بدعنوانی کے 142 جرائم کے ارتکاب کا الزام لگایا ہے جس کے لیے انھیں کل 828 سے 2,352 سال تک قید کی سزا ہو سکتی ہے۔

ترک صدر رجب طیب اردوغان کے مخالف سمجھے جانے والے اکرم امام وغلو کو بدعنوانی کے شبے میں رواں سال مارچ میں گرفتار کیا گیا تھا۔

استنبول کے میئر اور ان کی ریپبلکن پیپلز پارٹی (سی ایچ پی) ان الزامات کی تردید کرتے ہیں۔ ان کا دعویٰ ہے صدر اردوغان اور ان کے اتحادیوں نے صدر اردوغان کی مقبولیت میں کمی کے جواب میں کریک ڈاؤن شروع کیا ہے۔

تاہم، شہر کے چیف پراسیکیوٹر نے امام وغلو اور 400 سے زائد افراد کو نشانہ بنایا ہے۔ ان کا الزام ہے کہ یہ تمام افراد بدعنوانی کے ایک مجرمانہ نیٹ ورک کا حصہ اور میئر اس نیٹ ورک کے ’بانی اور رہنما‘ کے ہیں۔