امید ہے آج ٹی ایل پی کے مستقبل کا فیصلہ ہو جائے گا ، عظمی بخآری

لاہور میں پریس کانفرنس میں عظمیٰ بخاری نے بتایا کہ آج وزیراعظم کی صدارت میں اجلاس ہوگا جس میں امید ہے آج ٹی ایل پی کے مستقبل کا فیصلہ ہوجائےگا، فیصلہ وفاقی حکومت کرے گی۔

عظمیٰ بخاری نے کہا کہ ٹی ایل پی کے اندرون و بیرون ملک 3,600 فنانسرز کی نشاندہی ہو چکی ہے۔ جماعت کو ملنے والے چندے براہِ راست مذہبی جماعت کے گھروں تک پہنچتے تھے۔

انہوں نے کہا کہ سعد رضوی اور جماعت کے ذمہ داران پُرتشدد کارروائیوں میں ملوث رہے ہیں اور والدین سے اپیل کی کہ اپنے بچوں کو ٹی ایل پی کی سرگرمیوں سے دور رکھیں، ورنہ ان کے خلاف دہشت گردی کے مقدمات درج کیے جائیں گے۔