وزیراعظم شہباز شریف کی نیتن یاھو سے ملاقات ، حقیقت کیا ہے ؟

سوشل میڈیا پر گزشتہ دنوں ایک دعویٰ گردش کرتا رہا کہ وزیرِاعظم پاکستان شہباز شریف نے اسرائیلی وزیرِاعظم بن یامین نیتن یاہو سے مصر میں ہونے والی امن کانفرنس کے دوران ملاقات کی۔

یہ دعویٰ تحریکِ انصاف کی رہنما شاندانہ گلزار خان نے کیا، جنہوں نے 15 اکتوبر کو اپنے ایکس (سابق ٹوئٹر) اکاؤنٹ پر ایک تصویر شیئر کی جس کے ساتھ انہوں نے آرٹیکل 6، غداری جیسے الفاظ استعمال کیے۔

اصل تصویر میں وزیرِاعظم شہباز شریف اسرائیلی نہیں بلکہ آرمینیا کے وزیرِاعظم نیکول پشینیان سے ملاقات کر رہے ہیں، یہ ملاقات 13 اکتوبر کو مصر کے شہر شرم الشیخ میں امن سربراہی اجلاس کے دوران ہوئی تھی، پاکستان اور اسرائیل کے درمیان کوئی سفارتی تعلقات نہیں ہیں، لہٰذا ایسی ملاقات کا کوئی امکان ہی نہیں تھا۔