خیبر پختونخوا میں علی امین گنڈاپور کی جگہ سہیل آفریدی کو وزیرِ اعلیٰ نامزد کر دیا گیا ہے: سلمان اکرم راجہ
پاکستان تحریک انصاف نے خیبر پختونخوا میں وزیرِ اعلیٰ کی تبدیلی کا فیصلہ کیا ہے اور اس بات کی تصدیق کر دی ہے کہ علی امین گنڈاپور کی جگہ سہیل آفریدی کو صوبے کا نیا وزیرِ اعلیٰ نامزد کر دیا گیا ہے۔
پی ٹی آئی کے سیکریٹری جنرل سلمان اکرم راجہ نے تصدیق کی ہے کہ علی امین گنڈاپور کی جگہ سہیل آفریدی کو خیبرپختونخوا کا وزیر اعلی نامزد کیا گیا ہے۔
سلمان اکرم راجہ نے بدھ کی سہہ پہر اڈیالہ جیل میں عمران خان سے ملاقات کے بعد میڈیا کے سوالات کے جواب میں وزیراعلیٰ خیبرپختونخوا کی تبدیلی کی تصدیق کرتے ہوئے کہا کہ ’یہ درست ہے کہ علی امین گنڈا پور کی جگہ سہیل آفریدی وزیراعلیٰ کے امیدوار ہوں گے۔‘
واضح رہے کہ پاکستان کے مقامی میڈیا اور سوشل میڈیا پر اطلاعات زیر گردش تھیں کہ تحریک انصاف نے علی امین گنڈاپور کو وزارت اعلیٰ کے منصب سے ہٹھانے کا فیصلہ کرلیا ہے جبکہ سہیل ّآفریدی کو نیا وزیراعلیٰ بنایا جارہا ہے۔
