کینیڈین وزیرِاعظم مارک کرنی کا کہنا ہے کہ اسرائیلی حکومت فلسطینی ریاست کے قیام کے امکانات کو روکنے کے لیے منظم حکمتِ عملی سے کام کر رہی ہے، کینیڈا نے فلسطین کو ریاست تسلیم کر لیا ہے۔
آسٹریلوی حکومت کا کہنا ہے کہ آسٹریلیا نےفلسطین کی ریاست کو باضابطہ طور پر تسلیم کر لیا، فلسطینی ریاست کو تسلیم کرنا دو ریاستی حل کی بین الاقوامی کوششوں کا حصہ ہے، حماس کا فلسطین میں کوئی کردار نہیں ہونا چاہیے۔
برطانوی وزیرِ اعظم کیئر اسٹارمر نے کہا ہے کہ برطانیہ نے بھی فلسطین کو ریاست تسلیم کر لیا ہے ۔
برطانوی وزیراعظم نے کہا کہ حماس کا مستقبل میں حکومت یا سیکیورٹی میں کوئی کردار نہیں ہوگا۔
ان کا کہنا تھا کہ دو ریاستی حل کی امید کم ہے لیکن ہم امید کی روشنی بجھنے نہیں دینا چاہتے ۔
