جہلم سے یہ خبر سامنے آئی ہے کہ معروف مذہبی اسکالر انجینئر محمد علی مرزا کو پولیس نے گرفتار کرلیا ہے۔ اطلاعات کے مطابق تھانہ سٹی پولیس نے انہیں تھری ایم پی او کے تحت حراست میں لیا اور بعد ازاں جیل منتقل کردیا۔ بتایا جاتا ہے کہ ان کو ان کی اپنی اکیڈمی سے گرفتار کیا گیا۔
ذرائع کے مطابق مختلف مذہبی جماعتوں کی جانب سے ان کے خلاف درخواستیں دائر کی گئی تھیں۔ اسی سلسلے میں آج متعدد علما کرام کے وفود نے ضلعی انتظامیہ سے ملاقاتیں بھی کیں اور انجینئر محمد علی مرزا کی گرفتاری کا مطالبہ کیا۔ انہی دباؤ اور شکایات کے بعد پولیس نے یہ اقدام کیا ہے۔
یوں انجینئر محمد علی مرزا، جو اپنے بیانات اور نقطۂ نظر کے باعث اکثر تنازعات کی زد میں رہتے ہیں، ایک بار پھر بڑی مذہبی اور عوامی بحث کا مرکز بن گئے ہیں۔
