پولیس کے مطابق اقصیٰ نامی خاتون نے خود کو چک نمبر 4 کشمیر پل کی رہائشی ظاہر کر کے ایک ماہ قبل جڑانوالہ کے رہائشی عدنان اور دانش سمیت تین افراد کے خلاف اجتماعی زیادتی کا مقدمہ درج کروایا تھا ۔
پولیس کے مطابق اقصیٰ ملزمان سے پانچ لاکھ روپے وصول کر کے عدالت میں منحرف ہو گئی تھی اور اپنا ڈی این اے ٹیسٹ کروانے سے بھی انکار کر دیا تھا ۔
ملزمہ اقصیٰ اور اس کے دو ساتھی نوید اور ساجد عدالت کے باہر ملزم دانش کے رشتے دار سے باقی رقم وصول کر رہے تھے اسی دوران تفتیشی افسر انسپکٹر ثنا نے اقصیٰ کو گرفتار کر لیا جبکہ نوید اور ساجد پولیس سے مزاحمت کرتے ہوئے فرار ہو گئے، تینوں ملزمان کے خلاف تھانہ پیپلزکالونی میں اینٹی ریپ ایکٹ سمیت چار دفعات کے تحت مقدمہ درج کر لیا گیا ہے۔۔
