حزب اللہ کے اسرائیلی انٹیلی جنس یونٹ کے اڈے پر میزائل حملے

حزب اللہ کا کہنا ہے کہ اس نے تل ابیب میں اسرائیلی فوج کے انٹیلی جنس یونٹ کے اڈے پر منگل کی صبح میزائل حملے کیے ہیں۔

لبنانی عسکری تنظیم کا ایک بیان میں کہنا تھا کہ اس حملے کا ہدف ’ملٹری انٹیلی جنس 8200 یونٹ کی گلیلوت بیس‘ تھا۔

یونٹ 8200 اسرائیلی فوج کی مرکزی انٹیلی جنس ایجنسی ہے اور اکثر اس کا موازنہ امریکہ کی نیشنل سکیورٹی ایجنسی سے بھی کیا جاتا ہے۔

دوسری جانب اسرائیلی فوج کا کہنا ہے کہ آج صبح تقریباً 20 راکٹس اسرائیل کی طرف داغے گئے ہیں۔ اس کے مطابق ان میں سے پانچ راکٹس کا ہدف تل ابیب جبکہ 15 راکٹس کا مرکز شمالی اسرائیل تھا۔

اسرائیلی فوج کا کہنا تھا کہ ان راکٹ حملوں کے سبب وسطی اسرائیل کے علاقے سامرہ میں بھی سائرن بج اُٹھے تھے۔