عمران خان کی توشہ خانہ کیس میں سزا کا فیصلہ معطل کرنے کیلئے اپیل دائر

بانی پی ٹی آئی نے توشہ خانہ کیس میں سزا کا فیصلہ معطل کرنے کے لیے اپیل سپریم کورٹ میں دائر کردی۔

سپریم کورٹ سے اسلام آباد ہائی کورٹ کا فیصلہ کالعدم قرار دینے کی استدعا کی گئی ہے اور مؤقف اپنایا گیا ہے کہ توشہ خانہ کیس میں سزا پہلے ہی معطل ہوچکی ہے۔

درخواست میں مؤقف اپنایا گیا ہے کہ ہائی کورٹ نے صرف سزا معطل کی پورا فیصلہ نہیں، ہائی کورٹ کے فیصلے میں غلطی کا الیکشن کمیشن نے فائدہ اٹھایا اور الیکشن کمیشن نے بانی پی ٹی آئی کی نااہلی کا نوٹیفکیشن جاری کردیا۔

درخواست میں کہا گیا ہے کہ انتخابات قریب ہیں اور بانی پی ٹی آئی ملک کے سابق وزیراعظم ہیں، ملک کی سب سے بڑی جماعت کے لیڈر کو انتخابات سے باہر نہیں رکھا جا سکتا۔

درخواست میں کہا گیا ہے کہ سپریم کورٹ توشہ خانہ کیس میں سزا پر مبنی فیصلہ معطل کرے تاکہ انتخابات میں حصہ لیا جا سکے۔