سیکیورٹیز اینڈ ایکسچینج کمیشن کے سابق چئیرمین ظفر حجازی نے نواز شریف دور کے وزیر داخلہ اور مسلم لیگ ن کے سابق رہنما چوہدری نثار علی خان پر پانامہ پیپر کیس میں سازش کا الزام لگاتے ہوئے کہا ہے کہ وہ نواز شریف کے خلاف اسٹیبلشمنٹ کی سازش کا حصہ بنے۔
نجی ٹی وی کو ایک سنسنی خیز انٹرویو کے دوران سیکیورٹیز اینڈ ایکسچینج کمیشن آف پاکستان (SECP) کے سابق چیئرمین ظفر حجازی نے چوہدری نثار علی خان کے خلاف الزامات کی فہرست پیش کی۔ جبکہ انٹرویو میں وہ اپنے گرفتاری کے حوالے سے بھی چوہدری نثار پر الزامات کے حوالے سے واقعات بیان کر رہے تھے، انہوں نے دعویٰ کیا کہ چوہدری نثار نے نواز شریف کے خلاف پانامہ پیپر کیس میں ایک سازش میں شامل ہونے میں حصہ لیا۔
حجازی نے دعویٰ کیا کہ چوہدری نثار علی خان نے نہ صرف نواز شریف کے خلاف ایک سازش میں کردار ادا کیا بلکہ اُنہوں نے نواز شریف کے خلاف اسٹیبلشمنٹ کے کھیل کو مضبوط کرنے کے لئے ایف آئی اے اور دیگر تحققیاتی اداروں کو ہدایات دیں۔ انہوں نے کہا کہ وہ ان کے خلاف متحرک گرہوں کے ساتھ ملے ہوئے تھے اور انکی ایما پر کام پر لگے ہوئے تھے۔ ظفر حجازی کا کہنا ہے کہ اُن پر لگائے گئے الزامات اور ریکارڈ ٹیمپرنگ کا معاملہ چوہدری نثار کی طرف سے ایف آیف آئی اے کو دیا گیا سکرپٹ تھا تاکہ کسی صورت نواز شریف اس سب سے باہر نہ ہو۔
