غزہ میں اسرائیلی بمباری اور فلسطینی جنگجوؤں کی جوابی کارروائیوں کے اس سلسلے میں اب سیز فائر کے امکانات نظر آ رہے ہیں۔
اسرائیلی وزیر اعظم بنیامن نتن یاہو کے سینیئر مشیر مارک ریگوو نے کہا ہے کہ ان کے ملک کی طرف سے سیز فائر صرف چند مخصوص شرائط پر ممکن ہے۔
انھوں نے بی بی سی کو بتایا کہ ’اہم چیز یہ ہے کہ ہمیں اس صورتحال سے نکلتے وقت جنوبی اسرائیلی اور مجموعی طور پر اسرائیل کی شہری آبادی کے حوالے سے یقین دہانی کرائی جائے کہ دیر پا امن اور خاموشی قائم ہوگی کیونکہ تل ابیب اور یروشلم کو بھی نشانہ بنایا گیا تھا۔
’اسرائیلی شہری آبادی اس ڈر میں نہ رہے کہ غزہ کی پٹی سے راکٹ داغے جائیں گے۔‘
