گورنر پنجاب کی جانب سے وزیراعلیٰ پرویز الہیٰ کو ڈی نوٹیفائی کرنے کے بعد تحریک انصاف اور ق لیگ کی قیادت نے ہنگامی اجلاس طلب کیا جس میں گورنر کے اقدام کے خلاف آج عدالت جانے کا فیصلہ کیا گیا۔
رپورٹس کے مطابق اجلاس میں رہنماؤں نے سپیکر کی جانب سے گورنر کے خلاف آئینی آپشنز پر غور کیا۔اس موقع پر رہنماؤں نے گورنر پنجاب کے خلاف صدر سے رجوع کرنے پر بھی مشاورت کی۔
اجلاس میں پرویز الہٰی، مونس الہٰی، سپیکر پنجاب اسمبلی، راجا بشارت اور ایڈووکیٹ جنرل پنجاب سمیت دیگر رہنما شریک ہوئے۔سپیکر سبطین خان نے کہا کہ صدر کو لکھا ہے کہ گورنر نے غیرقانونی اقدام کیا ہے، ایکشن لیں۔
