سابق وزرائے خزانہ یک زبان ہیں کہ معیشت تباہ ہو چکی ہے، اسد عمر

تحریک انصاف کے مرکزی رہنما اسد عمر نے کہا ہے کہ ملک میں پچھلے 8 ماہ میں ریکارڈ مہنگائی ہوئی ہے۔

لاہور میں میڈیا سے گفتگو میں اسد عمر کا کہنا تھا کہ ملک کے چاروں سابق وزرائے خزانہ اس بات پر یک زبان ہیں کہ معیشت تباہ ہوچکی ہے۔

انہوں نے کہا کہ جمعے کو پنجاب ، خیبر پختونخوا ، گلگت بلتستان ، آزاد کشمیر حکومت اسلام آباد میں احتجاج کرے گی۔ عدم اعتماد کی تحریک سے پہلے زرمبادلہ ذخائر 16 ارب ڈالر سے زائد تھے۔

ان کا کہنا تھا کہ خدشہ ہے دسمبر کے اختتام پر زرمبادلہ ذخائر 5 ارب ڈالر رہ جائیں گے۔