Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںپاکستان سے

اسلام آباد ہائی کورٹ کا ضیاء بتول کو فوری ہٹانے کا حکم

اسلام آباد ہائی کورٹ نے پرائیویٹ اسکولز ریگولیٹری اتھارٹی (پیرا) کی چیئرپرسن ضیاء بتول کو عہدے سے فوری طور پر ہٹانے کا حکم دے دیا۔

جسٹس محسن اختر کیانی نے محفوظ فیصلہ سنایا اور ضیاء بتول کی بطور چیئرپرسن تعیناتی کا اکتوبر 2019ء کا نوٹیفکیشن غیر قانونی قرار دیا۔

عدالت عالیہ نے اپنے فیصلے میں کہا کہ ضیاء بتول سے اس دوران لی جانے والی مراعات واپس نہیں لی جائیں گی، وفاقی حکومت، وزارت تعلیم انہیں فوری ڈی نوٹیفائی کرے۔

اسلام آباد ہائی کورٹ نے اپنے حکم نامے میں کہا کہ وزارت تعلیم نئے چیئرمین یا چیئرپرسن کی عہدے پر تعیناتی کا عمل شروع کرے۔

فیصلے میں کہا گیا کہ عدالت نے بار بار چیئرپرسن کی تعیناتی کا اصل ریکارڈ طلب کیا لیکن وہ پیش نہیں کیا گیا۔

عدالتی حکم نامے میں کہا گیا کہ سیکریٹری اسٹیبلشمنٹ ڈویژن کمیٹی بنائے، جو ریکارڈ کی گمشدگی کی انکوائری کرے، غلط بیانی سامنے آنے پر معاملہ ایف آئی اے کو بھیجا جائے۔

اسلام آباد ہائی کورٹ نے فیصلے میں کہا کہ سیکریٹری اسٹیبلشمنٹ ڈویژن 3 ماہ میں کام مکمل کرکے رپورٹ پیش کریں۔

عدالت عالیہ میں درخواست گزار امتیاز علی قریشی نے چیئرپرسن پیرا ضیاء بتول کی تعیناتی چیلنج کر رکھی ہے ۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!