Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںپاکستان سے

خیبرپختونخوا حکومت کا اپنے وسائل سے صحت کارڈ اسکیم جاری رکھنے کا فیصلہ

وفاقی حکومت کی طرف سے ضم اضلاع کے صحت کارڈ اسکیم کی بندش کے بعد خیبر پختونخوا حکومت نے اپنے وسائل سے اسکیم کو جاری رکھنے کا فیصلہ کیا ہے۔

وزیراعلیٰ خیبر پختونخوا محمود خان کی زیر صدارت صوبائی کابینہ کا اجلاس ہوا جس میں قبائلی اضلاع کے لیے صحت کارڈ اسکیم جاری رکھنے کا فیصلہ کیا گیا۔

کابینہ اجلاس میں فیصلہ کیا گیا کہ وفاق سے اس اسکیم کے فنڈز کی منتقلی تک اسکیم کو جاری رکھنے کے لیے ضروری انتظامات کیے جائیں گے۔

اس موقع  پروزیر اعلیٰ محمود خان کا کہنا تھا کہ ضم اضلاع کا صحت کارڈ اسکیم کسی بھی حال میں بند نہیں ہونا چاہیے، قبائلی اضلاع کے عوام ہمارے اپنے بھائی ہیں، انہیں مفت علاج کی سہولت سے محروم نہیں کیا جائے گا۔

انہوں نے کہا کہ صوبائی حکومت وفاق سے اس اسکیم کے فنڈز کی منتقلی کے معاملے کو ہر فورم پر اٹھائے گی، صوبائی حکومت ضم اضلاع سمیت خیبر پختونخوا کے حقوق پر کوئی سمجھوتہ نہیں کرے گی۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!