بھارتی آنجہانی گلوکار سدھو موسے والا کی ادا کی جا رہی آخری رسومات کے دوران والدین جوان بیٹے کی موت پر اپنے جذبات پر قابو نہ رکھتے ہوئے آنسو بہاتے رہے۔
قاتلانہ حملے کے دوران ہلاک ہونے والے سدھو موسے والا کی بھارتی پنجاب، ضلع منسا کے گاؤں میں آخری رسومات ادا کی جا رہی ہیں۔
اس دوران بھارت سمیت پاکستانی سوشل میڈیا سائٹ ٹوئٹر پر بھی اُن کا نام ٹاپ ٹرینڈنگ میں موجود ہے۔
سدھو موسے والا کی میت سے لپٹے والدین کی متعدد جذباتی تصویریں اور ویڈیوز سوشل میڈیا پر وائرل ہو رہی ہیں۔
https://twitter.com/Divjotkaur__/status/1531521422312386561?ref_src=twsrc%5Etfw%7Ctwcamp%5Etweetembed%7Ctwterm%5E1531521422312386561%7Ctwgr%5E%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1093127
سدھو موسے والا کی والدہ کو جوان بیٹے کی موت پر اپنے شوہر کے آنسو پونچھتے ہوئے دیکھا جا سکتا ہے۔
No mother and no father should suffer like this.. Absolutely heartbreaking #SidhuMoosewalapic.twitter.com/Q8wZDHEtRc
— Arshdeep (@arsh_kaur7) May 31, 2022
واضح رہے کہ قاتلانہ حملے میں جان سے ہاتھ دھونے والے بھارتی پنجابی گلوکار سدھو موسے والا کی پوسٹ مارٹم رپورٹ منظر عام پر آ گئی ہے۔
بھارتی میڈیا رپورٹس کے مطابق گزشتہ اتوار کی شام قتل ہونے والے سدھو موسے والا 2 درجن سے زائد گولیوں کا نشانہ بنے، پوسٹ مارٹم کے دوران سدھو موسے والا کی لاش میں سے 25 گولیاں نکالی گئی ہیں۔
سدھو موسے والا کی پوسٹ مارٹم رپورٹ 5 ڈاکٹروں پر مشتمل ایک پینل کی جانب سے مرتب کی گئی ہے۔
رپورٹ کے مطابق ایک گولی سدھو موسے والا کی کھوپڑی سے بھی نکالی گئی ہے جو کہ سب سے زیادہ خطرناک ثابت ہوئی۔
https://twitter.com/dakshpr94624875/status/1531536494438977536?ref_src=twsrc%5Etfw%7Ctwcamp%5Etweetembed%7Ctwterm%5E1531536494438977536%7Ctwgr%5E%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1093127
