چیئرمین پی ٹی آئی عمران خان نے آج ہر صورت سیالکوٹ جانے کا اعلان کردیا اور لوگوں سے اپیل کی فاشسٹ امپورٹڈ حکومت کے خلاف بعد نماز عشاء نکلیں۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کوئی شک نہیں رہے ،میں آج سیالکوٹ جاؤں گا، سیالکوٹ میں ہماری قیادت اور کارکنوں سےجو کیا وہ اشتعال انگیز ہے ، مجرموں کا یہ گروپ ضمانت پر رہا ہے ، لندن میں مجرم مافیاباس نےہمیشہ مخالفین کےخلاف ہتھکنڈے استعمال کیے۔
عمران خان کا کہنا تھا کہ یہ اقتدارمیں ہوتےہیں تو سپریم کورٹ پرچڑھائی، ججزکورشوت دیتےہیں، حکومت میں ہوں توماڈل ٹاؤن جیسے سانحے ہوتےہیں۔
چیئرمین پی ٹی آئی نے مزید کہا نواز شریف خودکوامیر المومنین قرار دینےکی کوشش کر رہا ہے،جب وہ اپوزیشن میں ہوتے ہیں توجمہوریت کا غلط استعمال کرتے اور جب اقتدار میں ہوتے ہیں توجمہوری اصولوں کو مکمل تباہ کرتے ہیں، مگر لوگ اب ان کیخلاف کھڑےہوچکے ہیں۔
when they are in power – storming of SC, Model Town murders, bribing judges, NS trying to declare himself Amir ul Momineen. They use & abuse democracy when in opposition & totally destroy all democratic norms when in power. But ppl have now risen ag them. #امپورٹڈ__حکومت__نامنظور
— Imran Khan (@ImranKhanPTI) May 14, 2022
سابق وزیراعظم کا ایک اور ٹوئٹ میں کہنا تھا کہ ہماری حکومت نے ان کے کسی جلسے، دھرنے، جلسے کو کبھی نہیں روکا ، کیونکہ ہم جمہوریت کے لیے پرعزم ہیں۔
عمران خان نے کہا کہ میں آج سیالکوٹ میں موجودہوں گا ، لوگوں سےاپیل ہے فاشسٹ امپورٹڈ حکومت کے خلاف بعد نماز عشاء نکلیں ، عوام عشاء کی نماز کے بعد اپنے علاقوں شہروں میں باہر نکلیں اور احتجاج کریں۔
Our govt never stopped any of their jalsas, sit-ins, rallies bec we are committed to democracy. I will be in Sialkot today & I am calling on all our ppl to come out & protest in their areas/cities after Isha prayers against this fascist Imported govt. #SialkotFightsBack
— Imran Khan (@ImranKhanPTI) May 14, 2022
