تازہ ترینخبریںکاروبار

بین الاقوامی مارکیٹ میں خام تیل کی قیمتوں میں اضافہ مسلسل جاری

بین الاقوامی مارکیٹ میں خام تیل کی قیمتوں میں اضافہ مسلسل جاری ہے اور گزشتہ 24 گھنٹوں کے دوران برینٹ خام تیل کی قیمت میں 3.10 ڈالر اضافہ ریکارڈ کیا گیا ہے۔

روس یوکرین کے درمیان جاری جنگ کے ساتھ روس پر مغربی اور یورپی ممالک کی پابندیوں سے پیدا ہونے والی غیر یقینی صورتحال سے خام تیل کی قیمتوں میں استحکام نہیں آ پارہا ہے اور خام تیل قیمتوں میں مسلسل اضافہ ریکارڈ کیا جارہا ہے۔

غیر ملکی میڈیا کے مطابق گزشتہ 24 گھنٹوں کے دوران بین الاقوامی ماریٹ میں برینٹ خام تیل کی قیمت میں 3 ڈالر 10 سینٹ کا اضافہ ہوا ہے جس کے بعد تیل کی فی بیرل قیمت 108.33 ڈالر پر پہنچ گئی ہے۔

اس کے ساتھ ہی ڈبلو ٹی آئی خام تیل کی قیمت میں بھی 2 ڈالر36 سینٹ اضافہ ہوا جس کے بعد ڈبول ٹی آئی تیل کی قیمت 103.56 ڈالر پر آگئی۔

واضح رہے کہ ایک روز قبل ہی بین الاقوامی مارکیٹ میں خام تیل کی قیمتوں میں 4.25 ڈالر کا اضافہ ہوا تھا۔

جبکہ گزشتہ ماہ مارچ کے اوائل میں خام تیل کی قیمتیں ریکارڈ 10 سال کی بلندی کو چھوگئی تھیں اور خام تیل پہلی بار 119.84 ڈالر فی بیرل ہوگیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button