تازہ ترینخبریںدیسی ٹوٹکے

قوت مدافعت بڑھانے کیلیے ’انرجی ڈرنک‘ گھر پر تیار کریں، بالکل آسان طریقہ

انسان کی قوت مدافعت اسے کئی موذی امراض سے محفوظ رکھتی ہے، قوت مدافعت بڑھانے کیلیے اب گھر میں انرجی ڈرنک بنائیں۔

اگر آپ ہر روز صبح اٹھتے وقت تھکاوٹ محسوس کرتے ہیں اور یہ کیفیت ناشتے اور ورزش کے بعد بھی برقرار رہتی ہے تو اس کا مطلب ہے کہ آپ کی قوت مدافعت کم ہورہی ہے۔

انسان کی بہتر قوت مدافعت اسے بیماریوں اور جراثیم سے لڑنے کی طاقت عطا کرتی ہے اگر مذکورہ بالا کیفیت ہے تو ہوسکتا ہے کہ جسم میں خون کی کمی ہوگئی ہوگی اور سر کے بال بھی گر رہے ہوں اس صورتحال میں آپ کو متوازن اور اینٹی اوکسیڈنٹس سے بھرپور غذا لینے کی ضرورت ہے کیونکہ آپ کے جسم میں اینٹی اوکسیڈنٹس کی کمی ہورہی ہے۔

یہاں ہم آپ کو اپنے جسم کی قوت مدافعت بڑھانے کیلیے ہی گھر میں سستا اور آسان انرجی ڈرنک بنانے کا طریقہ بتا رہے ہیں جو ماہر غذائیت ڈاکٹر ڈکشا کا بتایا ہوا ہے۔ اس انرجی ڈرنک کے استعمال سے چند روز میں آپ خود کو تندرست و توانا محسوس کریں گے۔

انرجی ڈرنک کیلیے آپ کو ضرورت ہے ایک عدد چقندر، ایک عدد گاجر، چند پتے ہرا دھنیا، آدھا انار (جس کے دانے نکال لیں)، 7 سے 8 کڑی پتہ، پودینے کے چند پتے، ایک ٹکڑا ادرک اور آدھا لیموں۔

ان سب اجزا میں آدھا گلاس پانی شامل کریں اور بلینڈر میں ڈال کر اچھی طرح اسے بلینڈ کرلیں جب مشروب تیار ہوجائے اور چھان کر گلاس میں ڈال لیں اب اس میں حسب خواہش مٹھاس کیلیے چاہیں تو شہد ڈال لیں اور مزے سے یہ ذائقے دار مشروب پیئیں۔

کمزور قوت مدافعت والے افراد اس انرجی ڈرنک کو صبح نہار منہ پیئیں تو ان کے تمام مسائل چند روز میں ختم ہوجائیں گے اور وہ خود کو توانا محسوس کرینگے اور انہیں دن بھر کام کرنے کے بعد بھی تھکاوٹ محسوس نہیں ہوگی کیونکہ اس انرجی ڈرنک کی بدولت انسان کا میٹابولک سسٹم بہتر انداز میں کام کرنے لگتا ہے۔

اس انرجی ڈرنک کے فوائد بے شمار ہیں جن میں سے چند یہ ہیں:

اس انرجی ڈرنک کی بدولت انسان کو میٹا بولک سسٹم بہتر انداز میں کام کرنے لگتا ہے ۔ اس کی وجہ سے جسم میں خون کی صفائی کا عمل بھی تیز ہوتا ہے، جس کا فائدہ یہ ہوتا ہے کہ خون سے زہریلے مادے الگ ہو جاتے ہیں ، چہرے کی جلد صاف شفاف ہوجاتی ہے۔ جلد کے بڑھاپے کا عمل رُک جاتا ہے. اس کی وجہ سے جسم میں خون کے خلیات تیزی سے بنتے ہیں اور خون کی کمی دور ہوتی ہے۔

دل کی صحت کیلئے یہ انرجی ڈرنک بہت فائدہ مند ہے۔ چقندر اور گاجر میں لیوٹن ، بیٹا کیروٹین ودیگر اجزا موجود ہوتے ہیں، جو دل کو صحت مند رکھتے ہیں ۔اس انرجی ڈرنک میں زیادہ کیلوریز نہیں ہوتیں، اس لئے وزن نہیں بڑھتا ، ساتھ ہی اس میں بھرپور غذائیت موجود ہوتی ہے، جس کی وجہ سے انسان کا انرجی لیول بڑھتا ہے ۔ اسے پینے کے بعد پیٹ بھرا ہوا محسوس ہوتا ہے، اس لئے اسے پینے کے بعد بھوک زیادہ نہیں لگتی اس لئے وہ لوگ جو ڈائٹنگ کرنا چاہتے ہیں ان کیلئے یہ ڈرنک بہترین ثابت ہوتی ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button