نادرا میں 8 ماہ کے دوران 21 لاکھ40 ہزار خواتین ووٹرز کی رجسٹریشن

نیشنل ڈیٹا بیس رجسٹریشن اتھارٹی (نادرا) کے چیئرمین طارق ملک نے کہا کہ انہوں خواتین ووٹرز کی رجسٹریشن کا عمل تیز کرتے ہوئے 8 ماہ کے عرصے میں فروری تک انتخابی فہرستوں میں 21 لاکھ 40 ہزار خواتین کا اندراج کرلیا۔

ڈان اخبار کی رپورٹ کے مطابق عالمی یوم خواتین سے ایک روز قبل میڈیا سے گفتگو میں چیئرمین طارق ملک کا کہنا تھا کہ خواتین ووٹرز کی تعداد 6 کروڑ تک جا پہنچی ہے۔

عالمی یوم خواتین کے موقع پر ’بریک دی بائس‘ نامی تقریب سے خطاب میں انہوں نے صنفی مساوات پر مبنی دنیا بنانے کے مفاد میں تعصب اور غلط فہمیوں کو چیلنج کرنے کی اہمیت کو اجاگر کیا۔

انہوں نے کہا کہ نادرا 8 سے 14مارچ تک خواتین کے حقوق کا ہفتہ منائےگا، تاکہ سماجی، اقتصادی، اور سیاسی شعبوں میں خواتین کی شراکتداری کو یقینی بنایا جاسکے۔

انہوں نے نشاندہی کرتے ہوئے کہا کہ خواتین کی خودمختاری معاشرے میں مثبت تبدیلی لائی گی۔

ان کا کہنا تھا کہ نادرا نے 18 ایسے مرکز قائم کیے ہیں جو صرف خواتین کے لیے ہیں جبکہ ملک بھر میں 10 موبائل رجسٹریشن وین کا آغاز بھی کیا گیا ہے۔

طارق ملک نے کہا کہ یہ موبائل رجسٹریشن وینز ان علاقوں میں استعمال کی جائیں گی جہاں ووٹرز کے درمیان صنفی فرق 10 فیصد سے زائد ہے۔

انہوں نے بتایا کہ صنفی فرق میں مجموعی طور پر 19 سے 10 فیصد تک کمی آئی ہے۔

ان کا کہنا تھا کہ نادرا کا پہلا خواتین رجسٹریشن مرکز مریان میں قائم کیا گیا ہے جس میں قلیل وقت کے دوران 3 ہزار خواتین اپنی رجسٹریشن کرواچکی ہیں۔

اتھارٹی کی جانب سے ابتک 30 لاکھ ایسی نوجوان خواتین کی رجسٹریشن کی گئی ہے جو اکیلی اپنے بچوں کی پروش کر رہی ہیں۔

انہوں نے کہا کہ نادرا نے خواتین ملازمین کا تناسب برقرار رکھا ہوا ہے اور رجسٹریشن دفاتر میں 94 فیصد خواتین کام کر رہی ہیں۔

چیئرمین نادرا 84 نادرا آفس اور 10 موبائل وینز کی انچارج خواتین ہیں۔

طارق ملک نے بتایا کہ بطور چیئرمین ذمہ داریاں سنبھالنے کے بعد انہوں نے علیحدہ انکلوسیو رجسٹریشن ڈیپارٹمنٹ (آئی آر ڈ) تعمیر کیا جو خاتون افسر کی زیر نگرانی ہے۔

علاوہ ازیں، نادرا کی جانب سے جمعے کا دن صرف خواتین کی رجسٹریشن کے لیے مختص کیا گیا ہے، ہفتے کے روز ضلعی سطح پر 258 نادرا دفاتر کھلے رکھے جاتے ہیں، تاکہ خواتین کی رجسٹریشن میں اضافہ کیا جاسکے۔