تازہ ترینخبریںپاکستان سے

یہ کیسے بے گناہ ہیں جو چاہتے ہیں انصاف کا پہیہ ہی نہ چلے؟

ترجمان پنجاب حکومت حسان خاور کا کہنا ہے کہ شہباز شریف اب بھی تاریخیں لینے کی کوشش میں ہیں، یہ کیسے بے گناہ ہیں جو چاہتے ہیں انصاف کا پہیہ ہی نہ چلے، آپ کے مل کے ملازمین کے اکاؤنٹ سے اربوں روپے نکلے۔

راولپنڈی کمشنر آفس میں پریس کانفرنس کرتے ہوئے حسان خاور نے کہا کہ منڈی بہاؤالدین کے جلسے نے بتا دیا عوام کس کے ساتھ ہیں، اپوزیشن کبھی ایک تو کبھی دوسرے دروازے پر جارہی ہے، اپوزیشن تمام کام چھوڑ کے 2023 الیکشن کی تیاری کرے۔

انہوں نے کہا کہ راولپنڈی ڈویژن کے عوام بھی صحت کارڑ سے مستفید ہوں گے، نیا پاکستان صحت کارڑ نے غریب اور امیر کا فرق مٹا دیا ہے، پاکستان کے ہیلتھ نظام میں صحت کارڈ ایک انقلابی قدم ہے، سندھ کے حکمرانوں سے گزارش ہے کہ وہ بھی ہیلتھ کارڈ پر آئیں۔

ان کا مزید کہنا تھا کہ راولپنڈی ڈویژن میں ساڑھے 300 ارب کے ترقیاتی منصوبے چل رہے ہیں، نالہ لئی ایکسپریس منصوبہ بھی جلد شروع کررہے ہیں، اٹک میں 200 بیڈ کے مدر اینڈ چائلڈ اسپتال پر تیزی سے کام جاری ہے، بدقسمتی سے صوبے میں نئے تفریحی مقامات نہیں بنائے گئے، صوبے میں نئے تفریحی مقامات سے متعلق کام کررہے ہیں۔

پی ٹی آئی رہنما نے کہا کہ تین ڈیم اس وقت زیر تعمیر ہیں، راولپنڈی ڈویژن میں صحت کے شعبے میں تیزی سے کام ہورہا ہے۔

حسان خاور کا یہ بھی کہنا تھا کہ سانحہ مری تکلیف دے واقعہ تھا، روک تھام کے لیے کام کررہے ہیں، مری کے اندر سیاحت کے فلو کو کم کرنے جارہے ہیں، مری کے پورے راستے میں ایس ایم ڈیز لگانے جارہے ہیں، ایس ایم ڈیز لگانے میں ورلڈ بینک ہماری معاونت کرے گا۔

ترجمان پنجاب حکومت نے کہا کہ آزادی صحافت کا قائل ہوں لیکن آزادی کے بھی حدود و قیود ہیں، محسن بیگ کے خلاف مراد سعید نے اپنا قانونی حق حاصل کیا ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button