Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںسپورٹس

حسنین کے بولنگ ایکشن میں کوئی مسئلہ نہیں، سرفراز احمد

کوئٹہ گلیڈی ایٹرز کے کپتان سرفراز احمد کا کہنا ہے کہ محمد حسنین کے بولنگ ایکشن میں مجھے تو کوئی مسئلہ نظر نہیں آیا، وہ پاکستان سپر لیگ (پی ایس ايل) ميں ميدان ميں ہو گا۔

آن لائن پریس کانفرنس میں سرفراز احمد کا کہنا ہے کہ کوئٹہ گلیڈی ایٹرز کا بولنگ کا شعبہ بہت مضبوط ہوگیا ہے، ہمارا بولنگ یونٹ اس سیزن میں عمدہ کارکردگی دکھائے گا۔

انہوں نے کہا کہ کوئی بھی ڈومیسٹک ایونٹ ہو کم بیک کرنا اولین ترجیح ہوتی ہے، آخری دو سیزن میں کوئٹہ کی کارکردگی زیادہ اچھی نہیں رہی، امید ہے جو کھلاڑی ٹیم کا حصہ ہیں وہ اچھی کارکردگی دکھائیں گے۔

ان کا یہ بھی کہنا تھا کہ ٹیم کے کھلاڑی جتنی جلدی اسکواڈ کو جوائن کریں گے تو اچھی حکمت عملی بنائیں گے، جيمز فاکنر کا کورونا منفی آگیا ہے، وہ پی ایس ایل کھیلیں گے جبکہ ليوک ووڈ آئسوليشن مکمل ہونے کے بعد پاکستان آئیں گے۔

قومی وکٹ کیپر کا کہنا ہے کہ سر ووین رچرڈ کا کوئٹہ گليڈی ايٹرز ميں بڑا اہم کردار رہا ہے، شاہد آفريدی کے ساتھ ہونے سے ہميں بہت فائدہ ملے گا، ميں اور معين خان ايک ہی پيج پر ہيں، کافی عرصے سے ايک ساتھ ہيں۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!