آپریشن وعدہ صادق 3 اپنے وقت پر انجام پائے گا، جنرل فدوی

مہر خبررساں ایجنسی کی رپورٹ کے مطابق، ایران کی سپاہ پاسداران کے ڈپٹی کمانڈر جنرل علی فدوی نے بیت المقدس کی آزادی کے عنوان سے منعقدہ کانفرنس سے خطاب کرتےکہا کہ اسلامی انقلاب کے آغاز سے ہی یہ جنگ جاری ہے اور ایک دن کے لئے بھی دنیائے استکبار تسلط کی جنگ سے دستبردار نہیں ہوئی۔

جنرل فدوی نے کہا کہ شیطان بزرگ امریکہ اور اس کے لے پالک ممالک ہمارے خلاف شروع سے مختلف طریقوں سے جنگ لڑتے آرہے ہیں، تاہم انہیں شکست اور رسوائی کے سوا کچھ نہیں ملا۔

انہوں نے آپریشن وعدہ صادق 3 کے کے بارے میں پوچھے گئے سوال کے جواب میں کہا: "یہ وقت پر انجام پائے گا۔

سپاہ پاسداران کے ڈپٹی کمانڈر  نے کہا کہ ہم پچھلے 46 سالوں سے مزاحمت کے راستے پر پوری طاقت کے ساتھ گامزن ہیں، صہیونی حکام خود تسلیم کرتے ہیں کہ غزہ جنگ میں حماس کو فتح ہوئی۔