پیپلز پارٹی کی کیا بات ہے! وزیر خزانہ مداح

وزیر خزانہ محمد اورنگزیب نے کہا ہے کہ وہ سندھ میں پیپلز پارٹی کے پبلک پرائیویٹ پارٹنر شپ میں کام کی وجہ سے پیپلز پارٹی کے مداح ہیں۔

وزیر خزانہ محمد اورنگزیب نے ایک ٹی وی پروگرام میں انکشاف کیا کہ ان کی وزیر اعلیٰ خیبر پختونخوا علی امین گنڈا پور سے خوشگوار ماحول میں گفتگو ہوئی ہے، کے پی کو درپیش مشکلات مذاکرات کے ذریعے حل ہوسکتی ہیں۔

وزیر خزانہ سے میزبان نے سوال کیا کہ تنخواہ دار طبقے پر ٹیکسوں کا بوجھ ڈالا جارہا ہے، اس پر وزیر خزانہ محمد اورنگزیب نے کہا کہ آپ نے بالکل صحیح کہا ہے، تنخواہ دار طبقے کے اعتراضات جائز ہیں، ہم دیکھیں گے کہ تنخواہ دار طبقے کے لیے مزید کیا کیا جاسکتا ہے۔