سیاسیات

وزیراعلیٰ پنجاب موٹرسائیکل اسکیم سے متعلق بڑی خبر

وزیراعلیٰ پنجاب مریم نواز کی طلبا کو موٹرسائیکل فراہم کرنے کی اسکیم میں 20ہزار بائیکس کیلئے 1 لاکھ طلبا نے پورٹل پر رجسٹریشن کرا لی۔

پی آئی ٹی بی ریکارڈ کے مطابق 16ہزار سے زائد آن لائن درخواستیں جمع کی جاچکی ہیں اور اب تک ساڑھے 13ہزار طلبا نے پیٹرول بائیکس کیلئے اپلائی کیا ہے جب کہ 3800 طلبا نے الیکٹرک موٹرسائیکلز کیلئےدرخواست دی ہے۔

ایک لاکھ طلبا نے پورٹل پر رجسٹر کیا ہے اور درخواستیں جمع کرانے کی آخری تاریخ 29 اپریل ہے۔ موٹرسائیکل اسکیم کیلئے مزید درخواستیں موصول ہو رہی ہیں۔ لاہور، ملتان، فیصل آباد، بہاولپور، راولپنڈی کے طلبا درخواستوں کے اہل ہیں۔

حکام کا کہنا ہے کہ موٹرسائیکل کی ڈاؤن پیمنٹ حکومت پنجاب دےگی اور ماہانہ اقساط پرمارک اپ بھی حکومت پنجاب اداکرے گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button