دلچسپ و حیرت انگیز

بارش میں نماز پڑھتے شخص کی مدد کرنے والے سکھ کی ویڈیو وائرل

بارش میں نماز پڑھتے شخص کیلئے دوڑ کر چھتری لانے والے سکھ کی ویڈیو سوشل میڈیا پر مقبول ہوگئی، ویڈیو نے سوشل میڈیا صارفین کے دل جیت لئے۔

غیر ملکی ذرائع ابلاغ کے مطابق سوشل میڈیا پر ایک ویڈیو گردش کررہی ہے جس میں دیکھا جاسکتا ہے کہ ایک شخص تیز بارش میں نماز ادا کررہا ہے، ایسے میں ایک سکھ نماز پڑھتے شخص کے سر پر بارش کے دوران چھتری لیے کھڑا ہے۔

بھارتی میڈیا رپورٹس میں بتایا گیا ہے کہ وائرل ہونے والی ویڈیو جموں کشمیر کی ہے جہاں جمعہ کے روز بارش اور ژالہ باری ہوئی جس سے سردی مزید بڑھ گئی۔

سوشل میڈیا صارفین نے سکھ کے اس حسنِ اخلاق کی خوب تعریف کی، بہت سے لوگوں نے اس ویڈیو کو محبت اور فرقہ وارانہ ہم آہنگی کے پیغام کے طور پر اجاگر کیا۔

سوشل میڈیا صارفین کی جانب سے اس لمحے کو خوبصورت اور طاقتور قرار دیا جارہا ہے کہ زندگی میں انسانیت اور حسنِ اخلاق سے بڑھ کر کچھ نہیں ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button