تازہ ترینخبریںسپورٹس

انڈر19 ایشیاکپ: پاکستان نے بھارت کو 8 وکٹوں سے ہرادیا

ایشین کرکٹ کونسل (اے سی سی) انڈر 19 کپ میں پاکستان نے روایتی حریف بھارت کو 8 وکٹوں سے شکست دیدی۔

دبئی میں کھیلے گئے میچ میں پاکستانی ٹیم نے بھارت کا 260 رنز کا ہدف 2 وکٹ کے نقصان پر 18 گیندوں قبل ہی حاصل کرلیا۔

گرین شرٹس کی فتح میں اذان اویس کی شاندار سنچری نے نمایاں اسکور ادا کیا جبکہ شاہزیب خان اور سعد بیگ نے نصف سنچریاں اسکور کیں۔

اذان اویس نے 130 گیندوں پر 105 رنز کی ناقابل شکست اننگز کھیلی، انہوں نے اس دوران بھارتی بولرز کی گیندوں پر 10 چوکے بھی لگائے۔

اوپنر شاہزہب نے 88 گیندوں پر 63 رنز کی عمدہ اننگز کھیلی، انہوں نے دوران بیٹنگ 3 چھکے اور 4 چوکے لگائے۔

کپتان سعد بیگ نے 138 رنز پر دوسری وکٹ گر جانے کے بعد اذان اویس کے ساتھ مل کر تیسری وکٹ پر ناقابلِ شکست 125 رنز کی شراکت قائم کی۔

سعد بیگ نے اس دوران 51 گیندوں پر 68 رنز کی ناٹ آؤٹ باری کھیلی، انہوں نے اس دوران 1 چھکا اور 8 چوکے لگائے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button