تازہ ترینخبریںکاروبار

صنعتکاروں کا سندھ بھر اور بلوچستان میں 4 دسمبر کو ہڑتال کا اعلان

صنعتکاروں نے کراچی سمیت سندھ بھر اور بلوچستان میں 4 دسمبر کو ہڑتال کا اعلان کردیا اور کہا فیکٹریوں میں ڈاؤن سائزنگ شروع ہوگئی ہے۔

تفصیلات کے مطابق کراچی سمیت سندھ بھراوربلوچستان کے صنعتکاروں نے 4 دسمبر کو ہڑتال کا اعلان کردیا۔

صنعت کار جاوید بلوانی نے بتایا کہ پہلے ایک دن کی ہڑتال کریں گے پھر آگے مزید بڑھائیں گے، فیکٹریوں میں ڈاؤن سائزنگ شروع ہوگئی ہے، فیکٹری مالکان کچھ بھی یونٹ چلا نہیں پارہے ہیں۔

جاوید بلوانی کا کہنا تھا کہ فیکٹری مالکان نئے آرڈرز حاصل نہیں کرپارہے، حکومت معاملے کو اس سطح پر مت لے جائے کہ واپسی مشکل ہوجائے۔

انھوں نے مزید کہا کہ فرٹیلائزرز پر کراس سبسڈی دی جارہی ہے جبکہ آئی ایم ایف نے منع کیاہے، کماؤپوت صنعتوں کے ساتھ یہ سلوک افسوسناک ہے۔

صنعت کار کا کہنا تھا کہ کراس سبسڈی پر تمام صنعتیں بند ہوجائیں گی، حکومت رابطہ کرے ،ہمارےپاس فارمولہ ہےکہ تمام صنعتیں چلیں گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button