امیروں سے زیادہ ٹیکس لیا جائے : آئی ایم ایف کا نیا مطالبہ

ڈائریکٹر کمیونی کیشن آئی ایم ایف جولیا کوزک کا کہنا ہے کہ آئی ایم ایف چاہتا ہے پاکستان میں امیر سے زیادہ ٹیکس لیا جائے۔

تفصیلات کے مطابق ڈائریکٹر کمیونی کیشن آئی ایم ایف جولیا کوزک نے بریفنگ دیتے ہوئے کہا کہ آئی ایم ایف چاہتا ہے پاکستان میں امیر سے زیادہ ٹیکس لیا جائے اور ایم ڈی آئی ایم ایف بھی چاہتی ہیں کہ پاکستان میں امیر لوگ زیادہ ٹیکس دیں۔

جولیا کوزک نے روز دیا کہ پاکستان میں امیر طبقےپر زیادہ ٹیکس عائد کیا جانا چاہیے کیونکہ پاکستان میں 9.2 سے 9.5 کروڑ افراد غربت کاشکار ہیں۔

ڈائریکٹر کمیونی کیشن آئی ایم ایف نے انرجی سیکٹر میں ریفارمز ،استعدادکار میں بہتری کا مطالبہ کرتے ہوئے کہا کہ توانائی شعبےمیں اصلاحات،استعدادکارمیں بہتری لاکرمستحکم گروتھ حاصل کی جاسکتی ہے، توانائی شعبے میں اصلاحات لائی جائیں تاکہ انرجی سیکٹرکی کارکردگی بہتر بنائی جائے۔

جولیاکوزک کا مزید کہنا تھا کہ پاکستان میں ٹیکس ٹو جی ڈی پی کا تناسب انتہائی کم ہے، آئی ایم ایف کیساتھ جولائی میں3 ارب ڈالر کا اسٹینڈ بائی اریجمنٹ معاہدہ طے پایا، آئی ایم ایف معاہدے کامقصد پاکستانی معیشت میں استحکام لانا ہے۔

ڈائریکٹر کمیونیکشن نے بتایا کہ پروگرام کےباعث پاکستان کوملٹی لیٹرل اورنئی فنانسنگ میں مدد ملی، جپاکستان کوایسی مانیٹری پالیسی کی ضرورت ہے، جس سےمہنگائی کم ہو۔